Gjendja shëndetësore e të miturit që u plagos nga polici vazhdon të jetë e rëndë

19:19 | 17 Korrik 2024
E.G

Një ngjarje e rëndë kishte ndodhur në fshatin Dubravë të Istogut, natën e 15 korrikut.

Zyrtari policor Fatjon Hoti, e kishte plagosur me armë zjarri tezakun e tij, Getoar Kamberajn.

Si pasojë ai mori lëndime të rënda dhe u dërgua për trajtim në QKUK, ku edhe iu kishte nënshtruar një operimi.

Pas daljes nga salla e operacioni, 16 vjeçari u transferua në Intensivën e Klinikës së Pediatrisë, ku edhe po vazhdon të trajtohet aktualisht.

Gjendja e tij po vazhdon të jetë e rëndë.

Kështu bëri të ditur për Klankosova.tv drejtoresha e Pediatrisë Violeta Grajqevci – Uka.

Ajo tha se nuk mund të japë më tepër detaje rreth gjendjes shëndetësore të të miturit.

“Është duke u trajtuar në mjekim intenziv”, tha ajo.

Ndryshe sot, Gjykata Themelore e Pejës ka marrë vendim për caktimin e masës së paraburgimit prej 30 ditësh ndaj policit tashmë të suspenduar, Fatjon Hotit.

LEXO EDHE:

Një muaj paraburgim ndaj zyrtarit policor të dyshuar për plagosjen e familjarit të mitur

Shpërndaje në rrjete sociale

Lajmet më të lexuara

Të ngjashme

Foto lajm